Hökumət tərəfindən bu şəxslərə 1000 və 500 lari veriləcək

Hökumətin sərəncamına əsasən, faşizm üzərində Qələbənin 77-ci ildönümü münasibətilə İkinci Dünya Müharibəsi iştirakçılarına 1000 lari, İkinci Dünya müharibəsində həlak olanların ailə üzvlərinə isə 500 lari veriləcək.

InterPress.ge xəbər verir ki, bu barədə məlumatı Hökumət Administrasiyası yayıb.

Müvafiq sərəncamı artıq Gürcüstanın baş naziri İrakli Ğaribaşvili imzalayıb.

İkinci Dünya Müharibəsi iştirakçılarına və həlak olanların ailələrinə birdəfəlik maddi yardımı İşğal Olunmuş Ərazilərdən Məcburi Köçkünlər, Əmək, Səhiyyə və Sosial Müdafiə Nazirliyinin Sosial Xidmət Agentliyi, Tbilisidə qeydiyyatdan keçənlər üçün isə paytaxt meriyası verəcək.