Mixeil Saakaşvili xəstəxanaya köçürülmədiyini açıqladı

Gürcüstanın üçüncü prezidenti Mixeil Saakaşvili deyib ki, həbsxana həkimləri narahatdırlar və hamı onun “müvəqqəti də olsa, dərhal xəstəxanaya aparılması" ilə razılaşır.

InterPress.ge xəbər verir ki, bu barədə Saakaşvili Facebook səhifəsində məlumat paylaşıb.

Saakaşvilinin məktubunda yazdığına görə, “nə Qldani, nə də Qori onun köçürülmə yeri ola bilməz”.

 “Həbsxana qarşısına gələn hər kəsə təşəkkür edirəm.

Dostlar, mən bu gün xəstəxanaya köçürülməmişəm. Səhhətimə gəlincə, həbsxananın həkimləri narahatdırlar və hamısı razılaşır ki, məni təcili, hətta müvəqqəti də olsa, real müalicə alana qədər xəstəxanaya aparmalıyam, amma bu, nə Qldani, nə də Qori ola bilər ki, burada mən fiziki və psixoloji zorakılığa məruz qaldım və bu zorakılıq indiki vəziyyətimlə nəticələndi.

Cəmiyyətin həmrəyliyinə görə çox minnətdaram, Batumidə saxlanılan insanlara görə kədərlənirəm. Beynəlxalq ictimaiyyətin mənəvi dəstəyinə görə də minnətdaram. Ümid edirəm ki, bütün bunlar öz nəticəsini verəcək”, - Saakaşvili yazıb.