Tbilisidə "9 may Rusiyanın biyabırçılıq günü" adlı aksiya baş tutdu

Gürcüstan parlamenti qarşısında "9 May Rusiyanın biabırçılıq günü" adlı etiraz aksiyası keçirildi.

InterPress.ge xəbər verir ki, etirazçılar Rusiyanın Ukraynaya təcavüzünü pisləyir və Ukraynaya dəstəklərini bildirirdilər.

Onlar hesab edirlər ki, 9 May Rusiya üçün qələbə günü deyil, rüsvayçılıq günüdür. Aksiyada həm gürcülər, həm də ukraynalılar iştirak edirdi.

Aksiya iştirakçıları “Ukraynaya eşq olsun”, “Rusiya öldürür” yazılmış Ukraynaya dəstək plakatları nümayiş etdiriblər.

Aksiya iştirakçıları Ukraynada həlak olan gürcü döyüşçülərinin də xatirəsini ehtiramla yad ediblər. Mitinqdə Ukraynaya dəstək mahnısı və Gürcüstanın dövlət himni səsləndirilib.

“8 May onilliklər boyu sivilizasiyalı, azadlığa əsaslanan dünyanın nasizmin məğlubiyyətini qeyd etdiyi, lakin 21-ci əsrdə nasizmin Rusiya timsalında tam məğlubiyyətə uğramadığı tarixən çox mühüm bir gündür. Putinin 9 mayda elan etdiyi bayram Ukraynanın cəsarəti, döyüş ruhu və Qərbin dəstəyi səbəbindən artıq keçirilmir, heç bir məqsədə nail ola bilmədi, ona görə də bu gün biz ukraynalıların yanında olmalı və deməliyik ki, biz bu irqçiliyə qalib gəlmək üçün birlikdəyik"- "Droa" lideri Elene Xoshtaria dedi.

Mitinqin təşkilatçıları bunlardır: müharibədən gələn ukraynalılar, “Svitanok” təşkilatı, “Droa”, “Demokratiya müdafiəçiləri”.