Qurcaanidə təbii fəlakət problemlər yaradıb

Qurcaanidə gecə saatlarında təbii fəlakət bələdiyyədə problemlər yaradıb.

InterPress.ge xəbər verir ki, bu barədə Qurcaani Bələdiyyəsi məlumat yayıb.

Onların sözlərinə görə, güclü yağışlar nəticəsində kəndlərdə çaylar daşıb, evləri su basıb, yerli yollara ziyan dəyib.

Qurcaani meriyasından verilən məlumata görə, saat 05:00-dən Qurcaani bələdiyyəsinin meri Zurab Utiaşvilinin rəhbərlik etdiyi operativ qərargah ləğvetmə işlərinə başlayıb.

Qərargahın işinə meriyanın inzibati xidmətinin rəhbəri Xviça Simonişvili və Qurcaani bələdiyyə xidmətinin rəhbəri Aleksandr Teteloşvili cəlb olunub.

"Qurcaani Bələdiyyə Xidməti” səhər saatlarından xüsusi texnikanın köməyi ilə kəndlərdə evlərdən su çəkib, dərələri təmizləyir. Güclü yağış Qurcaani şəhərinin Nutsubidze küçəsindəki evin istinad divarını uçurub, Qurcaani şəhərinin meri Zurab Utiaşvili vəziyyətlə yerindəcə tanış olub.

Qurcaani bələdiyyəsində təbii fəlakətin nəticələrinin aradan qaldırılması işləri davam etdirilir”, - deyə Qurcaani Bələdiyyəsinin meriyasından bildirilib.