“Borjomi” şirkətinin işçiləri etirazlarını davam etdirirlər

"Borjomi" şirkətinin əməkdaşları etirazlarını davam etdirirlər.  

InterPress.ge xəbər verir ki, onlar yeni müqavilələrin şərtləri və işçilərin işlərindən azad edilməsi ilə bağlı şirkətin qərarına etiraz edirlər.

Aqrar, Ticarət və Sənaye İşçiləri Həmkarları Birliyinin nümayəndəsi Qiorqi Diasamidze işçilərlə görüşüb. Qiorqi Diasamidzenin dediyinə görə, Həmkarlar Birliyi işçilər ilə mübahisəni məhkəmədə davam etdirəcəklər.

Onun sözlərinə görə, 21 günlük vasitəçilik prosesində, danışıqlar başa çatana qədər zavodun fəaliyyəti bərpa olunacağı təqdirdə işçilər işlərinə davam edəcəklər.

“Biz iki istiqamətdə işi davam etdirəcəyik. Birincisi, şirkətin işçilərini azad etmək barədə qərarının qanunsuz olduğunu düşündüyümüz üçün məhkəmə mübahisəsinə başlayacağıq. İkinci istiqamət vasitəçilik prosesidir. Danışıqların bütün fürsətlərindən istifadə edəcəyik. Nə qədər ki, vasitəçilik prosesi var, fabrik fəaliyyətini bərpa etsə, işçilərin iş yerinə qayıtmaq öhdəlikləri var. Mübarizəmizi davam etdiririk.  Yeni müqavilələr daimidir.  Ümumiyyətlə, daimi müqavilələr həmişə daha yaxşıdır, lakin burada işləyən insanlar üçün qəbuledilməz şərtlər var, bu daha pis şərtlərlə müqavilədir. Bu insanlar şirkət böhrandan çıxana qədər üç ay pisləşən şəraitdə işləməyə razıdırlar və bundan sonra köhnə müqavilə ilə işləməyi tələb edirlər. Etirazlar davam edir və danışıqlar razılaşma ilə başa çatmazsa, etiraz aksiyası 21 gün sonra genişmiqyaslı olacaq”, - deyə o söyləyib.