Tamar Qabunia epidemioloji vəziyyət haqqında danışdı

"Gürcüstanda yoluxma hallarının sayı xeyli azalır, sabitləşmə tendensiyası göz qabağındadır".

InterPress.ge xəbər verir ki, səhiyyə nazirinin müavini Tamar Qabunia epidemiya ilə bağlı jurnalistlərə açıqlama verib.

Qabunianın qeyd etdiyinə görə, gündəlik yoluxma nisbəti 100-150 arasında dəyişir.

“Gürcüstanda halların sayı xeyli azalır, stabilləşmə tendensiyası göz qabağındadır. Halları aşkarlamaq üçün testlər davam edir. Gündəlik yoluxma nisbəti 100-150-ni keçmir. Ümumi statistika həftədə bir dəfə dərc olunacaq. Vaksinasiya proqramını davam etdirmək və genişləndirmək hələ də vacibdir. Əhalinin 34%-i peyvənd olunub, bu, hələ də müəyyən mutasiya riski varsa, kifayət qədər qorunma demək deyil", - deyib Qabunia.