İrakli Kobaxidze Saakaşvili barədə: "Bu psixi problemləri ilə prezidentliyə namizədliyini irəli sürə bilibsə düşünürəm ki, həbsdədə qala bilər"

Mixail Saakaşvilinin psixi problemləri pisləşərsə, onun psixiatriya xəstəxanasına köçürülməsinə ehtiyac ola bilər, amma indiyə qədər o, bu psixi problemləri ilə prezidentliyə namizədliyini irəli sürə bilib və düşünürəm ki, həbsdədə qala bilər. 

InterPress.ge xəbər verir ki, bu barədə “Gürcü arzusu”nun sədri İrakli Kobaxidze jurnalistlərə bildirib.

İrakli Kobaxidzenin sözlərinə görə, Saakaşvili psixi problemləri olan prezident olub, bu gün o, məhbusdur və məhbus olaraq qalacaq.

“Anoreksiyaya gəlincə, onu asanlıqla yoxlamaq olar, bu, fizioloji problem deyil, psixika ilə bağlı məsələdir. Ümumiyyətlə, Saakaşvilinin psixi problemlərinin olduğunu çoxdan bilirik, lakin bu psixi problemləri ilə eyni adamlar onu iki dəfə prezident seçdilər ki, bu da təbii ki, ölkəmiz üçün çox çətin idi. Əvvəllər bu psixi problemləri ilə Saakaşvilini prezident seçən həmin adamlar indi heç bir əsası olmayan psixi problemlərlə bağlı onun azadlığa buraxılmasını tələb edirlər. Psixi problemləri olan bu adam çoxdan prezident olub, bu gün də məhbusdur, dustaq olaraq da qalacaq. Əgər bu psixi problemlər pisləşərsə, onu psixiatriya xəstəxanasına aparmaq lazım gələ bilər, lakin indiyə qədər o, bu psixi problemləri ilə prezidentliyə namizədliyini irəli sürə bilib və düşünürəm ki, həbsdə də qala bilər", - İrakli Kobaxidze bildirib.