Gürcüstanda yağışlı hava bu tarixədək davam edəcək

Mayın 4-də günün sonundan 8-dək Gürcüstanda arabir yağış yağacağı, şimşək çaxacağı, bəzi yerlərdə güclü qərb küləyinin əsəcəyi gözlənilir.

lnterPress.ge xəbər verir ki, Milli Ətraf Mühit Agentliyi yaxın günlərdə gözlənilən hava şəraiti ilə bağlı məlumat yayıb.

Şərqi Gürcüstanda bəzi yerlərdə dolu yağacağı ehtimalı var.

Gözlənilən yağıntılar Gürcüstan çaylarında suyun səviyyəsinin əhəmiyyətli dərəcədə artmasına, kiçik çaylarda daşqınlara, dağlıq ərazilərdə sürüşmələrin aktivləşməsinə səbəb ola bilər.