Parlament inşaatla əlaqədar yeni qanun layihəsi qəbul etdi
İnşaatçının tikinti pozuntusuna görə qanuni akta əməl etməməsi artıq icra prosesinə mane ola bilməz. İnzibati orqan tərəfindən qəbul edilmiş qərar barədə tikintidə qanun pozuntusuna yol vermiş şəxsə məlumat verilməsi daha da asanlaşdırılır.
InterPress.ge xəbər verir ki, Parlament üçüncü oxunuşda qanun layihəsini 77 (3 əleyhinə) səslə qəbul edib.
Qanun layihəsinə
görə tikintidə qanun pozuntusuna yol vermiş şəxs barəsində inzibati şikayətə baxılması əsasında yuxarı instansiya orqanının qəbul etdiyi qərar barədə göstərilən ünvana rəsmi məlumat verilməlidir. Tikinti pozuntusunu törədən şəxs inzibati şikayətdə göstərilmiş ünvanda olmadıqda və ya qərar barədə məlumat verməkdən imtina etdikdə, qərarın tikinti sahəsinin görünən yerində yerləşdirilməsi bildiriş hesab edilir.
Eyni layihəyə əsasən, tikinti sahəsi görünən yer hesab olunacaq: məlumat lövhəsi, tikinti meydançasında müvəqqəti yerləşən tikili, tikinti sahəsini əhatə edən mühafizə hasarı, binanın fasadı, çoxmənzilli bina tikildikdə, binanın ön qapısı.
“Gürcü Arzusu” partiyasının deputatları Maia Bitadze, İrakli Zarkua və Nodar Turceladze “Məkan Planlaşdırma, Memarlıq və Tikinti Fəaliyyəti Məcəlləsinə” nəzərdə tutulan dəyişiklikləri təqdim ediblər.
