Mixail Saakaşvilidən təklif: Vahid Milli Hərəkat sədri o ola bilər...

Gürcüstanın dördüncü prezidenti Qiorqi Marqvelaşvili Vahid Milli Hərəkatın sədri ola bilər.

 lnterPress.ge xəbər verir ki, bu barədə  “Rustavi 2” məlumat yayıb.

 Məlumata görə, Marqvelaşvili təklifi şəxsən Mixail Saakaşvilidən alıb və partiya artıq bu məsələ ilə bağlı qərar qəbul edib.

Jurnalistlər məlumatı dəqiqləşdirmək üçün Qiorqi Marqvelaşvilinin özü ilə əlaqə saxlasalar da, o, kamera qarşısına çıxmaq istəməyib, telefon şərhində faktı nə təkzib, nə də təsdiqləyib.

Məlumat üçün bildirək ki, Qiorqi Marqvelaşvili aprelin 15-də “Milli Hərəkat” liderləri ilə Kiyevdə olub, ondan əvvəl isə, məlumatlara görə, onların keçmiş müdafiə naziri Davit Kezeraşvili ilə görüşü olub.