Gürcüstanda kreditlərini gecikdirənlərin sayı açıqlandı

Gürcüstanda kredit götürənlərin 11,8%-də gecikmə müəyyən edilib.

lnterPress.ge xəbər verir ki,  Creditinfo-nun 2022-ci ilin mart ayı üçün statistikasına əsasən, vaxtı 30 gündən 3 ilə qədər gecikmiş 216 792 kredit götürən şəxs qeydiyyata alınıb, müqavilələrin sayı isə 395 681-dir.

 Məlumata görə, ümumilikdə mart ayı üzrə Gürcüstanda maliyyə sektorunun borcu 1 844 365 nəfər olmaqla 33 341 630 054 lari təşkil edir.

Qeyd etmək lazımdır ki, kredit götürənlərin 85,3%-i bank sektorunun payına düşür, o cümlədən mart ayına ümumilikdə 1572496 kredit götürən tərəfindən banklardan 1553690780 lari götürülüb.

Eyni zamanda, MBQ tərəfindən tənzimlənən digər maliyyə institutlarının (mikromaliyyə, kredit təşkilatları) kreditorları 651 990 nəfər, kreditlərin həcmi isə 2 375 224 359 lari təşkil edir. Daha 17 821 nəfər lizinq, tikinti və digər növ şirkətlərdən ümumilikdə 429 714 915 lari kredit götürüb.