Karelidə 22 yaşlı gənc öldürüldü

Kareli Bələdiyyəsinə bağlı Dirbi kəndində gənclər arasında yaranan fiziki qarşıdurmada bir nəfər ölüb. 

InterPress.ge xəbər verir ki, 22 yaşlı gənc soyuq silahla çoxsaylı xəsarətlər alıb.

Təcili yardım briqadası yaralı şəxsi Kareli Klinik Xəstəxanasına aparsa da, o, xəstəxanaya çatdırılana qədər dünyasını dəyişib.

Daxili İşlər Nazirliyindən verilən məlumata görə, faktla bağlı Gürcüstan Cinayət Məcəlləsinin 108-ci maddəsi ilə istintaq başlayıb.

Şahidlərin sözlərinə görə, ölən gənc davada iştirak edən digər şəxsləri aralamağa çalışırmış.