İmmunizasiya Şurası 50 yaşdan yuxarı vətəndaşlara dördüncü doza koronavirus vaksinindən istifadə etməyi tövsiyə etdi
İmmunizasiya Şurası 50 yaşdan yuxarı vətəndaşlara dördüncü doza koronavirus vaksinindən istifadə etməyi tövsiyə edib.
InterPress.ge xəbər verir ki, bu barədə TSMU-nun professoru, Milli Texniki İmmunizasiya Məsləhətçiləri Qrupunun rəhbəri İvane Çxaidze bildirib.
İvane Çxaidzenin izah etdiyinə görə, İmmunizasiya Şurası vətəndaşlara dördüncü dozanı ilk "buster" dozadan 4 ay sonra vurdurmağı tövsiyə edib.
“İmmunizasiya Şurası keçirildi, orada bütün aidiyyatı strukturlar iştirak etdi, bununla bağlı tövsiyələr verə bilərlər. Xəstəliklərə Nəzarət Milli Mərkəzinin və İmmunizasiya üzrə Milli Texniki Məsləhətçilər Qrupunun tövsiyələri praktiki olaraq eyni idi - Biz Gürcüstanda dördüncü dozanın, ikinci “booster doza”nın istifadəsini dəstəkləyirik. Bundan hansı yaş qrupunun təsirlənməli olduğunu müəyyən etdik, bu, 50 yaşdan yuxarı əhalidir. Koronavirus peyvəndinin dördüncü dozası lazımdır, çünki peyvənddən 4-5 ay sonra immunitet azalır və aktivləşdirilməlidir.
Biz 4 aylıq bir müddət müəyyən etdik. Odur ki, 4 ay əvvəl ilk “buster” dozanı vurdurmuş yaşı 50-dən yuxarı olan bütün insanlar hökumətin müvafiq qərarı çıxanda vaksinasiya idarəsinə müraciət edə bilərlər.
Bu tövsiyə Koordinasiya Şurasında müzakirə olunacaq və sonra hökumətin qərarı olacaq. Xəstəliklərə Nəzarət Milli Mərkəzi, sahə ekspertləri və peyvənd üzrə məsləhətçilərdən ibarət texniki qrup yaşa diqqət yetirdi. Ölkəmizdə 50 yaşdan yuxarı olanlar ən yüksək ölüm səviyyəsinə malikdirlər, ona görə də ölüm göstəricisinin yüksək olduğu yaş qrupunu, yəni 50 yaşdan yuxarı əhalini gücləndirməliyik. Düşünürəm ki, bu qərar nəhayət qəbul olunarsa, bu, vacib olacaq”, - İvane Çxaidze bildirib.
O, epidemiya ilə bağlı da danışıb və qeyd edib ki, hərəkət zamanı yoluxma riski artdığından vətəndaşların yayda, tətil öncəsi “buster” doza ilə peyvənd olunması çox vacibdir.
“Əhaliyə xatırladıram ki, pandemiya hələ bitməyib. Əlbəttə, epidemiya yaxşılaşdı, lakin bu, koronavirusun yox olduğu demək deyil. 300-400 yoluxma böyük rəqəmdir, pandemiyaya 6-10 yoluxma ilə başlamışıq. Pandemiyanın birinci dövrü ilə müqayisədə indi nisbət artıb.
Vətəndaşların yayda, tətil öncəsi “gücləndirici” doza ilə peyvənd olunması çox vacibdir. Hərəkətlilik artdıqca infeksiya riski də artır. 2020-2021-ci illərdə halların artmasını xatırlayırıq. Bu il də istisna olmayacaq. Yoluxmalarda artım olacaq, amma 2020-2021-ci illərdəki kimi deyil. Proqnoz sadədir, artan hərəkətlilik halların artmasına səbəb olacaq", - deyib Çxaidze.
