Polşada Gürcüstan vətəndaşları saxlanıldı

Polşada 3 Gürcüstan vətəndaşı oğurluq ittihamı ilə saxlanılıb.

InterPress.ge xəbər verir ki, məlumatı yerli mətbuat yayıb.

Məlumata görə, gürcü qruplaşmasının üzvləri valyuta mübadiləsi məntəqələrindən birinə hücum edərək, gözyaşardıcı qaz buraxıb və orada işləyən operatora fiziki təzyiq göstəriblər.

Yerli hüquq-mühafizə orqanlarının apardığı araşdırma nəticəsində məlum olub ki, hücum edən şəxslər özəl şirkətlərdən birindən saxta Rumıniya pasportu ilə icarəyə götürülmüş “Ford” və “Volvo” markalı avtomobilləri idarə ediblər.

Cinayəti törədənlər pulu oğurlaya bilməyiblər. 40, 37 və 46 yaşlı şəxslər artıq polis tərəfindən saxlanlıb. Onları 12 ilə qədər həbs gözləyir.