Gürcüstanın kənd təsərrüfatı naziri Azərbaycana səfər edəcək

Gürcüstanın ətraf mühit və kənd təsərrüfatı naziri Otar Şamugiya gələn ayın əvvəlində Azərbaycana səfər edəcək.

InterPress.ge xəbər verir ki, bu barədə nazirlikdən bildirilib.

Nazir mayın 6-da Bakıda keçiriləcək “Kənd təsərrüfatının rəqəmsallaşdırılması” mövzusunda nazirlərin toplantısında iştirak edəcək.

Toplantıya 30-a yaxın ölkənin kənd təsərrüfatı nazirləri qatılacaq.

Nazirlikdən qeyd olunub ki, tədbir Gürcüstan və Azərbaycan arasında ticari əlaqələrin daha da möhkəmləndirilməsinə töhfə verəcək.