Gürcüstanın gömrük-keçid məntəqələrində 7 qanun pozuntusunun qarşısı alınıb
Aprelin 1-dən aprelin 12-dək olan müddətdə “Sarp”, “Ququti”, “Kutaisi Hava Limanı” və “Sadaxlo-Avtomobil” gömrük-keçid məntəqələrində 7 qanun pozuntusunun qarşısı alınıb.
InterPress.ge xəbər verir ki, bu barədə Gəlirlər Xidməti məlumat yayıb.
Gömrükçülər tərəfindən Gürcüstan və Rusiya Federasiyası vətəndaşlarının üzərində və çantasında aparılan yoxlama nəticəsində bəyan edilməmiş qızıl-zinət əşyaları (ümumi çəkisi - 256,54 qram) aşkar edilib. Bəyan edilməmiş malların gömrük dəyəri 29 516,68 lari təşkil edib. Gürcüstan Gömrük Məcəlləsinin 168-ci maddəsinin I hissəsinə əsasən, qanunu pozan vətəndaşlar sanksiya kimi ümumilikdə 29 516,68 lari məbləğində cərimə olunublar. Gömrükçülər Ququti və Sadaxlo-Avtomobil-keçid məntəqələrində cinayət əlamətləri olan daha 3 fakt aşkar ediblər. Qazaxıstan və Rusiya Federasiyası vətəndaşları qaçaqmalçılıq yolu ilə Gürcüstan gömrük sərhədində bəyan edilməmiş 472,15 qram qızıl-zinət əşyaları keçirməyə cəhd ediblər. Bu qızıl əşyaların gömrük dəyəri 15 000 larini keçdiyi üçün iş materialları əlavə cavab verilməsi üçün Gürcüstan Maliyyə Nazirliyinin İstintaq Xidmətinə təhvil verilib.
