Rustavidə gənc qadın qrup şəklində zorlanıb
Rustavidə gənc qadını qrup şəklində zorlayıblar.
InterPress.ge xəbər verir ki, ötən gecə Poniçala-Rustavi magistral yolunda 35 yaşlı qadın zorla maşına mindirilib və Rustavidə Mərkəzi Parkın yaxınlığında, Mtkvari çayının sahilindəki tikinti fabrikasının yaxınlığına aparılıb.
Hadisə yerinə gələn üç nəfərə karyera mühafizəçisi kimi işləyən başqa bir şəxs də qoşulub.
Onların dördü gənc qadına fiziki zorakılıq edib, daha sonra isə üç nəfər cinsi təcavüz edib. Zorlamada karyera mühafizəçisi də iştirak edib.
Saxlanılan şəxsin məhkəməsi Rustavi Şəhər Məhkəməsində keçirilib və hakim Madona Maisuradze onların barəsində ilkin olaraq 2 ay müddətinə həbs qətimkan tədbiri seçib.
Prosesdən sonra iş üzrə prokuror Tinatin Sturuanın verdiyi məlumata görə, təqsirləndirilən şəxslərdən üçü Cinayət Məcəlləsinin 143-cü maddəsinin 3-cü hissəsinin “A” bəndi və 137-ci maddəsinin 3-cü hissəsinin “Q” bəndi ilə ittiham olunub. Bu maddələr qabaqcadan razılaşma əsasında qeyri-qanuni olaraq azadlıqdan məhrum etmə və qrup tərəfindən zorlanmanı nəzərdə tutur.
Sturuanın sözlərinə görə, dördüncü şəxs qanunsuz olaraq azadlıqdan məhrum etmədə ittiham olunur.
İş üzrə təqsirləndirilən şəxsin hüquq müdafiəçiləri hadisə ilə bağlı şərh verməkdən imtina ediblər.
