Gürcüstanda iyun ayının 14-dək olan hava şəraiti açıqlanıb

İyunun 12-də, günün ikinci yarısından iyunun 14-dək Gürcüstanda arabir yağış yağacağı, bəzi yerlərdə güclü, dolu da olacağı gözlənilir.

InterPress.ge xəbər verir ki, bu barədə Milli Ətraf Mühit Agentliyi məlumat verib.

"Gözlənilən leysan yağışlar Gürcüstan çaylarında suyun səviyyəsini əhəmiyyətli dərəcədə artıra bilər və kiçik çaylarda daşqına səbəb ola bilər. Ölkənin dağlıq ərazilərində torpaq sürüşməsi müşahidə oluna bilər", - deyə agentliyin məlumatında deyilir.