Kaxa Kaladze: "Dost ölkədə müharibə gedərkən, ölkə dağılarkən söhbət hansı neytrallıqdan gedir? "

"Dost ölkədə müharibə gedərkən, ölkə dağılarkən söhbət hansı neytrallıqdan gedir? ".

InterPress.ge xəbər verir ki,  bu barədə “Gürcü arzusu”nun baş katibi, Tbilisi meri Kaxa Kaladze “Vətənpərvərlər Alyansı”nın Moskvaya səfəri ilə bağlı bildirib.

Kaladzenin sözlərinə görə, bu cür səfərlər onun üçün qətiyyən qəbuledilməzdir.

“Dost ölkədə müharibə gedərkən, insanlar öldürülərkən, ölkə dağılarkən, şəhərlər dağıdılarkən söhbət hansı neytrallıqdan gedir? Belə səfərlər qətiyyən qəbuledilməzdir. Şəxsən mənim üçün bu, qəti şəkildə qəbuledilməzdir", - deyə Kaladze bildirib.

Məlumat üçün bildirək ki, “Vətənpərvərlər Alyansı”nın nümayəndələri Moskvaya gəlib və görüşlər keçirirlər.