Gürcüstanda 11 aprelədək olan hava şəraiti açıqlandı

Aprelin 8-9-da Gürcüstanda yağışlı və küləkli hava şəraiti gözlənilir. Havanın temperaturu aran rayonlarında gün ərzində +17, +22 dərəcə təşkil edəcək.

InterPress.ge xəbər verir ki,  bu barədə Milli Ətraf Mühit Agentliyindən məlumat verilib.

Məlumata görə, aprelin 10-11-i ölkənin əksər ərazilərində havanın isti olacağı gözlənilir.

Aprelin 8-də Tbilisidə yağış yağacaq. Aprelin 9-11-də yağıntı gözlənilmir. Aprelin 8-10-da havanın temperaturu +19, +21 dərəcə olacaq, aprelin 11-də isə +23, +25 dərəcəyədək yüksələcək. Aprelin 9-da şimal-qərbdən güclü küləklər əsəcək.