Gürcüstanda temperaturun aşağı düşəcəyi gözlənilir - SİNOPTİKLƏRDƏN AÇIQLAMA

Aprelin 4-6-da ötən günlərlə müqayisədə temperaturun aşağı enəcəyi gözlənilir.

InterPress.ge xəbər verir ki, bu barədə Milli Ətraf Mühit Agentliyi məlumat yayır.

Qərbi Gürcüstanda və Şərqi Gürcüstanın dağlıq və yüksək dağlıq rayonlarında arabir yağış yağacağı, yüksək dağlıq ərazilərdə qar yağacağı, duman və qar fırtınası, dənizdə 3-4 bal gücündə fırtına olacağı gözlənilir. Güclü qərb küləyi əsəcək.

Dağlıq və yüksək dağlıq rayonlarda havanın temperaturunun yüksək olması nəticəsində yaranan intensiv qarın əriməsi və gözlənilən intensiv yağıntı Gürcüstan çaylarında suyun səviyyəsini xeyli artıra bilər, kiçik çaylarda daşqınlar, dağlıq ərazilərdə uçqun və sürüşmələrin əmələ gəlməsi gözlənilir.