Mixail Saakaşvili Samirə Bayramovaya dəstək məktubu yazdı

Gürcüstanın üçüncü prezidenti 
Mixail Saakaşvili ictimai fəal Samirə Bayramovaya dəstək məktubu yazıb.

InterPress.ge xəbər verir ki, bu barədə Samirə Bayramova öz Facebook səhifəsində qeyd edib.

Keçmiş Prezident Mixeil Saakaşvili məktubda Samirə Bayramovaya dəstək olduğunu və onunla fəxr etdiyini vurğulayıb.

"Səninlə bağlı təəssüratlarımı bölüşməsəm olmazdı. Sən həqiqi qəhrəman və bütün Gürcüstana nümunəsən. Səninlə həmvətən olduğum üçün  qürur duyuram. Tezliklə yanında, dəstək olacağıma  ümid edirəm",-deyə Mixeil Saakaşvili məktubunda yazıb.