Gürcüstanda tikinti xərclərinin indeksi artıb

Tikinti xərcləri indeksi əvvəlki göstəricisi ilə müqayisədə 4,8 faiz artıb.

lnterPress.ge  xəbər verir ki, bu barədə Gürcüstanın Milli Statistika İdarəsi məlumat yayıb.

Geostatın məlumatına görə, dəyişiklik əsasən tikinti sektorunda çalışan işçilərin orta aylıq nominal əmək haqqının 10,2 faiz artması ilə əlaqədar olub ki, bu, da ümumi indeksdə 2,8 faiz bəndi dəyişməsi ilə nəticələnib.

“Ötən ilin müvafiq rübü ilə müqayisədə tikinti xərcləri indeksi 13,6 faiz artıb. İndeksin artımı əsasən tikinti materiallarının qiymətlərinin 17,4 faiz artması hesabına baş verib ki, bu da ümumi indeksdə 9,64 faiz bəndi dəyişməsində özünü göstərib”,- deyə məlumatda bildirilib.