Kobuletidə Alt-İnfo nümayəndələri və yerli sakinlər arasında qarşıdurma yaranıb

Kobuletidə Alt İnfo-nun təsis etdiyi Mühafizəkarlar Hərəkatının ofisində yerli sakinlərlə partiya numayəndələri arasında fiziki və şifahi qarşıdurma olub.

InterPress.ge xəbər verir ki, məlumat görə, yerli sakinlər daha əvvəl şəhərin mərkəzi meydanında etiraz aksiyası keçirmiş, daha sonra Mühafizəkarlar Hərəkatının ofisinə yürüş ediblər. 

Yerli sakinlər Ukraynaya dəstək aksiyası keçirib, eyni zamanda partiya ofisinin açılmasına etiraz ediblər, bu zaman ofisdə olan üzvlər çıxıb etirazçılara qarşı şifahi söyüblər və bu, fiziki qarşıdurmaya səbəb olub.

Hüquq-mühafizə orqanlarının əməkdaşları 7 nəfəri şöbəyə aparıblar. Saxlanılanlar arasında həm yerli sakinlər, həm də Mühafizəkarlar Hərəkatının üzvləri var.