Gürcüstanda son 24 saat ərzində koronavirusa yoluxma sayı açıqlandı

Gürcüstanda yeni növ koronavirusa (COVID-19) son 24 saat ərzində 1 053 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 1 643 295 nəfərə çatıb.

Sağalanların sayına gəldikdə isə, ölkədə son 24 saat ərzində 2 067 sağalma qeydə alınaraq ümumi sağalanların sayı 1 601678 nəfər təşkil edib.

Eyni zamanda bildirilir ki, 7 nəfər ölüb və ölənlərin ümumi sayı 16 678 nəfər təşkil edib.