Bu gün külli miqdarda vəsaiti mənimsəməkdə təqsirləndirilən sabiq prezident Mixeil Saakaşvilinin məhkəməsi keçiriləcək

Bu gün külli miqdarda vəsaiti mənimsəməkdə təqsirləndirilən sabiq prezident Mixeil Saakaşvili və Xüsusi Dövlət Mühafizə Xidmətinin keçmiş rəhbəri Teymuraz Canaşianın məhkəməsi keçiriləcək.

InterPress.ge xəbər verir ki, Tbilisi Şəhər Məhkəməsində keçiriləcək iclas saat 12:00-a təyin edilib.

Məhkəmədə hər iki təqsirləndirilən şəxs - Mixeil Saakaşvili və Teymuraz Canaşia iştirak edəcək.

İclasda müdafiə tərəfinin dəlilləri araşdırılacaq.

Prokurorluq təqsirləndirilən şəxsləri külli miqdarda büdcə pulunu - 9 milyon larini mənimsəməkdə ittiham edir.