ABŞ-nın Gürcüstandakı Səfirliyi Gürcüstanda yaşayan azərbaycanlıları Novruz bayramı münasibətilə təbrik etdi
ABŞ-ın Tbilisidəki Səfirliyi Gürcüstanda yazın ilk gününü, Novruzu qeyd edən hər kəsi Novruz Bayramı münasibətilə təbrik edir və firavanlıq arzulayır.
lnterPress.ge xəbər verir ki, bu barədə ABŞ-ın Tbilisidəki Səfirliyinin Facebook səhifəsində qeyd olunub.
“Yaşadığımız son günlər bütün Avropa üçün qaranlıq bir dövrdür, çünki biz Ukrayna xalqını dəstəkləmək üçün işləyirik. Novruz indi də ailədə dostlarla birlikdə toplaşmağı dəyərləndirməyimizin, keçən ilin gözəl anlarını mehribanlıqla yada salmağımızın və bütün regionun sülh içində gələcəyini optimizm ilə gözləməyimizin nə dərəcədə əhəmiyyətli olduğunu bizə xatırladır. Qoy Novruzun dirçəliş və yenilənmə ruhu hər birimizi daha yaxşı günlərə aparsın. Novruz Bayramınız mübarək!”,- deyə Səfirliyin paylaşımında bildirilir.
