Kiyevdə Şevçenkovski rayonunda iki yaşayış binası bombalanıb, 2 nəfər yaralanıb.
lnterPress.ge xəbər verir ki, bu barədə Kiyev Dövlət Fövqəladə Hallar Xidmətinin Baş İdarəsi məlumat yayıb.
İdarənin verdiyi məlumata görə hücum yerli vaxtla saat 06:16-da 12 və 9 mərtəbəli binalarda baş verib.
KİV-in məlumatına görə, 12 mərtəbəli yaşayış binası qismən dağılıb.
Xilasedicilər əhalini binalardan çıxarıblar. Hazırda hadisə yerinə 8 yanğınsöndürmə texnikası səfərbər olunub.
