Volodimir Zelenski: "Artıq başa düşülüb ki, NATO-nun açıq qapı siyasəti Ukraynaya aid deyil"

 "Ukraynanın istəklərinə baxmayaraq, ölkənin NATO-ya üzv olmayacağı artıq başa düşüləndir".

InterPress.ge xəbər verir ki, bu barədə
Ukrayna prezidenti Volodimir Zelenski Avropa liderləri ilə distant görüşdə deyib.

Onun sözlərinə görə, artıq başa düşülüb ki, NATO-nun “açıq qapı” siyasəti Ukraynaya aid deyil.

“Aydındır ki, Ukrayna NATO-nun üzvü deyil, biz adekvat insanlar olduğumuzu başa düşürük. Biz illərdir açıq qapılar haqqında eşitmişik, amma indi də ora daxil ola bilməyəcəyimizi öyrəndik və bunu etiraf etməliyik. Mən şadam ki, xalqımız bunu anlamağa başlayıb".