VMH deputatı: "Gürcü arzusunun dəstəyi ilə Gürcüstanda Alt-İnfonun ofisləri açılır"

''Gürcü Arzusunun bəyanatları və hərəkətləri birbaşa onun milli razılıq istəmədiyini, Rusiyanın maraqlarını güddüyünü göstərir''.

lnterPress.ge xəbər verir ki bu barədə Milli Hərəkatın deputatı Qiorqi Botkoveli bildirib.

Onun parlamentin plenar iclasında qeyd etdiyinə görə ötən gecə saatlarında mütəşəkkil dəstə Milli Hərəkatın Saqareco ofisinə soxulub və oranı dağıdıblar. 

Botkovelin sözlərinə görə, avadanlıq və inventar tamamilə məhv edilib.

“Dünən prezidentin çıxışından sonra ümummilli razılıqdan danışanda biz “Gürcü arzusu”nun bəyanatını eşitdik, sanki Gürcü arzusu konkret məsələlərdə razılığa gəlməyə hazır olduğunu dəfələrlə bəyan edib və faktiki olaraq hökumətlə hərəkət edib. Digər tərəfdən, biz tamam başqa bir şey görürük, faktı deyim, dünən gecə saatlarında mütəşəkkil dəstə Milli Hərəkatın Saqareco ofisinə soxularaq oranı  dağıdıblar. Avadanlıq və inventar tamamilə məhv edilib. Bu, birinci hal deyil, istintaqın nə edəcəyini əvvəlcədən bilirik. Təbii ki, bu proses yubanacaq və Gürcü arzusundan açıqlama eşidəcəyik ki, guya ki, bu, 10-12 il əvvəl qəzəbli insanların hərəkətidir. Bütün bu müddət ərzində biz müxtəlif yazıların və edilən hərəkətlərin şahidi oluruq, bunu birbaşa hökumətin gördüyü tədbir adlandırmaq olar", - deyə  Botkoveli bildirib.

O, həmçinin qeyd edib ki, “Gürcü arzusu”nun dəstəyi ilə Gürcüstanda “Alt-İnfo” ofisləri açılıb.

“Bütün bunların ardınca Mühafizəkarlar Hərəkatı libasındakı Alt-İnfonun sizin dəstəyinizlə açılmış, sizin təşkilatçılığınızla açılmış ofisləri gəlir və  burada hökumətin əvvəldən bütün bunlarda əli olduğu birbaşa təsdiqlənir, çünki bu gün Alt-İnfonun açdığı ofislərin bir çoxu bələdiyyə mülkiyyətidir və bələdiyyə ilə Alt-İnfo nümayəndələri arasında birbaşa müqavilələr imzalanıb. Bütün bunlar bu ölkədə əslində kimin beşinci sütun olduğunu və kimin Rusiyanın maraqlarını güddüyünü təsdiqləyir”, -  deyə Botkoveli bildirib.