"Gürcü Arzusu" Prezident Salome Zurabişvilinin Parlamentdəki çıxışını belə dəyərləndirdi
“Dünən biz də Gürcüstan prezidentinin gedən proseslərlə bağlı bəzi anlaşılmaz açıqlamalarını eşitdik. Onların arasında fərqlənənlərdən biri də bu ifadə idi - Hökumət tariximizin və ləyaqətimizin diktə etdiyini dilə gətirməyə cəsarət etməyəndə günaha batır, lakin o, bu cür təhqiramiz ifadədən başqa, hökumətin cəsarətsiz və ləyaqətsiz hərəkəti dedikdə nəyi nəzərdə tutduğunu açıqlamayıb”.
lnterPress.ge xəbər verir ki bu barədə "Gürcü Arzusu" bəyanatında bildirib.
"Gürcü arzusu" prezident Salome Zurabişvilinin bəyanatını anlaşılmaz və təhqiredici adlandırıb.
Eyni zamanda, Gürcü arzusu ümid edir ki, Salome Zurabişvili sanksiyalar və müharibə haqqında açıq danışa bilməyən, lakin bütün təxribatlarla hakimiyyəti itələməyə çalışan radikal müxalifətin taktikasını təkrarlamayacaq.
“Dünən biz də Gürcüstan prezidentinin gedən proseslərlə bağlı bəzi anlaşılmaz açıqlamalarını eşitdik. Onların arasında fərqlənənlərdən biri də bu ifadə idi - Hökumət tariximizin və ləyaqətimizin diktə etdiyini dilə gətirməyə cəsarət etməyəndə günaha batır. Lakin o, bu cür təhqiramiz ifadədən başqa, hökumətin cəsarətsiz və ləyaqətsiz hərəkəti dedikdə nəyi nəzərdə tutduğunu açıqlamayıb. Xatırladaq ki, hökumətimiz bütün beynəlxalq forumlarda, Ukraynanın suverenliyi və ərazi bütövlüyünün dəstəklənməsi və Rusiyanın təcavüzünə cavab verilməsi ilə bağlı bütün siyasi qərarlarda – istər Rusiyanın Avropa Şurasında üzvlüyünün dayandırılması, istərsə dayandırılmaması ilə bağlı bütün siyasi qərarlarda aydın mövqe ifadə edib. Əgər prezident deyirsə o zaman Gürcüstan sanksiyalara qoşulsun, müharibəyə qarışsın, cəsarət göstərsin və bunu açıq desin. Ümid edirik ki, o, sanksiyalar və müharibə haqqında açıq danışa bilməyən, lakin bütün təxribatlarla hakimiyyəti itələməyə çalışan radikal müxalifətin taktikasını təkrar etməyəcək”, - deyə Gürcü arzusunun bəyanatında deyilir.
Hakim komandanın fikrincə, Rusiya-Ukrayna müharibəsi kontekstində dünya və Gürcüstanın xüsusi təhlükəsizlik problemləri ilə üzləşdiyi bir vaxtda Gürcüstan prezidentinin Konstitusiyaya zidd hərəkətləri və əsassız bəyanatları xüsusi təhlükə yaradır.
“Biz Gürcüstan prezidentini Gürcüstan Konstitusiyasını diqqətlə öyrənməyə və 2017-ci ildə Gürcüstan parlamentinin üzvü kimi onun yaradılmasında birbaşa iştirak etdiyi Parlament mahiyyətini yaxşı anlamağa çağırırıq. Belə olan halda o, gələcəkdə də səhvlərdən, pis davranışlardan sığortalanacaq və gələcək hərəkətləri, açıqlamaları bu qədər sual buraxmayacaq. Gürcüstan prezidenti ilk növbədə Gürcüstanın konstitusiyasına və prezidentin konstitusion məsuliyyət və öhdəliklərinə hörmət etməlidir”, - deyə Gürcü Arzusu”siyasi şurasının bəyanatında bildirilir.
