Ölkənin üçüncü Prezidenti Respublika xəstəxanasına aparılıb

Gürcüstanın üçüncü prezidenti Mixail Saakaşvili dünən Respublika Xəstəxanasına aparılıb.

lnterPress.ge xəbər verir ki, bu barədə Saakaşvilinin Facebook səhifəsində bəyanat yayılıb.

Saakaşvilinin qeyd etdiyinə görə, o, müxtəlif müayinələrdən keçib.

“Dünən aylarla davam edən müraciətlərdən sonra axşam saatlarında Respublika Xəstəxanasına aparıldım. Orada elektroneyromioqrafiya və qastroskopik müayinə aparıldı. Birinci prosedur müxtəlif sarsıntıların diaqnozunu tamamilə təsdiqlədi. Bədən üzvlərinin müxtəlif hissələrini artıq hiss edə bilməyəndə neyropatiya, hərəkət və koordinasiya pozğunluğuna, yaddaş itkisinə və s. səbəb olur.

Respublika xəstəxanasının həkimləri mənə dedilər ki, təcili olaraq ciddi müalicə olunmasam, xəstəlik tez bir zamanda pisləşəcək və bu əlillik və ya ölümlə nəticələnəcək.

Gürcüstanın penitensiar sistemində bu xəstəliklərin tam müalicəsi qətiyyən mümkün deyil. Düşünürəm ki, mənə qarşı edilən zorakılıq əvvəldən belə bir nəticəyə hesablanıb. Bütün bunları ona görə yazıram ki, Ədliyyə Nazirliyi həmişəki kimi dünənki diaqnozu gizli saxlayacaq", - deyə Saakaşvili açıqlamasında bildirib.