Ötən gün Mariupolda rus işğalçılarının uşaq xəstəxanası və doğum evinə hücumu nəticəsində biri uşaq olmaqla 3 nəfər həlak olub. Partlayış nəticəsində 17 nəfər yaralanıb.
lnterPress. ge xəbər verir ki bu barədə məlumatı Mariupol şəhər şurası Telegramda yayıb.
Rusiya təyyarələrinin uşaq xəstəxanasına hücumu nəticəsində 17 nəfər yaralanıb. Biri uşaq olmaqla üç nəfər ölüb”, - deyə məlumatda bildirilir.
Şəhər şurasının bildirdiyinə görə rus qoşunları Mariupolda dinc sakinləri qəsdən və amansızcasına məhv edir.
“Bütün dünya Rusiyanın bəşəriyyətə, Ukraynaya və mariupollara qarşı törətdiyi cinayətlərdən xəbərdar olmalıdır”, - deyə bəyanatda bildirilir.
