Rusiya və Ukraynanın nümayəndə heyətləri danışıqlar üçün bu ölkəyə yola düşdülər

Rusiya və Ukrayna nümayəndə heyətləri danışıqların növbəti raundunu keçirmək üçün Belarusa yola düşüb.

lnterPress.ge xəbər verir ki,  bu barədə Sputnik Belarus məlumat verib.

Danışıqların Moskva vaxtı ilə saat 15:00-da baş tutacağı gözlənilir.

Xatırladaq ki, Ukrayna və Rusiya arasında danışıqların birinci raundu fevralın 28-də keçirilib. Martın 3-də Ukrayna-Belarus sərhədində danışıqların ikinci raundu baş tutub. Görüşdən sonra Rusiya tərəfinin nümayəndəsinin dediyinə görə, onlar Ukrayna ilə dinc əhali üçün humanitar dəhlizlərin təmin edilməsi və təxliyənin aparıldığı ərazilərdə mümkün müvəqqəti atəşkəs üçün danışıqlar aparmağa razılaşıblar.