Vitali Kliçko Ukraynada müharibə günlərində doğulan körpələrlə bağlı açıqlama verdi

"Müharibədən sonrakı səkkiz gün ərzində Kiyevdə 199-u oğlan, 191-i qız olmaqla 390-a qədər uşaq dünyaya gəlib". 

InterPress.ge xəbər verir ki, bu barədə şəhərin meri Vitali Kliçko videomüraciətində bildirib.

O, həmçinin qeyd edib ki, Kiyev müdafiəyə hazırlaşır - küçələrdə daha çox nəzarət-buraxılış məntəqələri, məhdudlaşdırıcı bloklar və tank əleyhinə qurğular var.

“Şəhər xəstəxanaları lazım olan hər şeylə təmin olunub. Həkimlər hərbi xidmətdədir. Paytaxtdakı doğum evləri də işləyir. Son 8 gündə Kiyevdə 390-a qədər uşaq doğulub. Onlardan 199-u oğlan, 191-i isə qızdır”, - Kliçko bildirib.

Paytaxt meri onu da xatırladıb ki, zooparkda lemur doğulub və ona Bayraktar adı verilib.