SON DƏQİQƏ! Rusiya- Ukrayna razılığa gəldi

Rusiya və Ukrayna nümayəndə heyətləri arasında danışıqların ikinci raundunda Belarusda mülki əhali üçün humanitar dəhlizlər razılaşdırılıb.

InterPress.ge xəbər verir ki, bu barədə Rusiya mətbuatına Rusiya nümayəndə heyətinin rəhbəri Vladimir Medinski məlumat verib.

“Biz üç məqamı - hərbi, beynəlxalq və humanitar, üçüncü isə münaqişənin gələcək siyasi həlli məsələsini ətraflı müzakirə etdik. Hər iki mövqe aydındır və qeyd olunur. Biz onların bəziləri ilə bağlı razılığa gələ bildik, lakin bu gün razılaşdığımız əsas məsələ hərbi münaqişə zonasında mülki şəxslərin xilas edilməsi məsələsi oldu. Rusiya və Ukraynanın müdafiə nazirlikləri mülki şəxslər üçün humanitar dəhlizlər və evakuasiya bölgələrində mümkün müvəqqəti atəşkəs təmin etmək barədə razılığa gəliblər”, - Medinski mediaya bildirib.

Rusiya nümayəndə heyətinin digər üzvü Leonid Slutski “Rossiya 24” telekanalına bildirib ki, tərəflər “yaxın gələcəkdə” baş tutacaq danışıqların üçüncü raundu ilə bağlı razılığa gəliblər. Danışıqlar iki saat yarım davam edib.

Bu arada Ukrayna nümayəndə heyətinin üzvü Mixail Podolyak danışıqların Ukraynaya lazım olan heç bir nəticə vermədiyini, lakin o, “yalnız humanitar dəhlizlərin təşkili üçün həll yolu olduğunu” deyib.