Qiorqi Qaxaria: "Biz Gürcüstanın Aİ-na daxil olması üçün müraciət etmək qərarını alqışlayırıq"

"Biz Gürcüstanın Avropa İttifaqına daxil olması üçün müraciət etmək qərarını alqışlayırıq. Bəyanatın ardınca hökumətin prosesin tez və səmərəli aparılması üçün təsirli addımlar atması lazımdır".

InterPress.ge xəbər verir ki, bu barədə "Gürcüstan Naminə"nin lideri Qiorqi Qaxaria sosial şəbəkədə yazır.

“Biz bu məsələdə Gürcüstan hökumətinə maksimum dəstək təklif edirik və istər iqtidardan, istərsə də müxalifətdən olan bütün siyasi aktorları prosesə kimin töhfə verməsi müzakirəsini bir kənara qoymağa, ideya ətrafında birləşməyə və prosesi tez və səmərəli şəkildə həyata keçirməyə çağırırıq. 

Gürcüstan vətəndaşlarına prosesə xüsusi töhfələrinə görə təşəkkür edirəm", - Qaxaria Facebook-da yazıb.