Xarkovda Rusiya hərbçilərinin bombaladığı beşmərtəbəli yaşayış evinin dağıntıları altından 8 nəfərin cəsədi çıxarılıb. Altı nəfər yaralanıb.
InterPress.ge xəbər verir ki, bu barədə Ukraynanın Fövqəladə Hallar üzrə Dövlət Xidməti məlumat yayıb.
Yerli vaxtla saat 16:00-da beşmərtəbəli yaşayış binasına endirilən aviazərbə nəticəsində 8 nəfər ölüb, 6 nəfər yaralanıb. 38 nəfər xilas edilib", - məlumatda deyilir.
Məlumat üçün bildirək ki, Rusiya ordusunun Xarkov şəhərinin mərkəzi meydanını bombalaması nəticəsində 10 nəfər həlak olub.
