Gürcüstanın Ukraynadakı Səfirliyi Gürcüstan vətəndaşlarına müraciət edir

Gürcüstanın Ukraynadakı səfirliyi Gürcüstan vətəndaşlarını Ukrayna hakimiyyətinin tövsiyələrinə mümkün qədər tabe olmağa çağırır.

lnterPress.ge xəbər verir ki, bu barədə Səfirlikdən verilən açıqlamada qeyd olunub.

Məlumata əsasən, sərhəd-keçid məntəqələrinin həddindən artıq sıx olduğu və vətəndaşların sərhədi keçməsinin on saatlarla vaxt apara biləcəyi bildirilib.

“Ukraynadakı Gürcüstan vətəndaşlarının nəzərinə! Bir daha sizə müraciət edirik ki, Ukrayna hakimiyyətinin tövsiyələrinə mümkün qədər riayət edin, o cümlədən evdə qalın, küçələrdə mümkün qədər hərəkət etməkdən çəkinin və həyəcan siqnalı yarandıqda ən yaxın sığınacağa tələsin, mümkün olduğu qədər bütün təhlükəsizlik qaydalarına əməl edin.

Şəhər / rayon rəhbərliyi tərəfindən müəyyən edilmiş qaydalara uyğun olaraq komendant saatı qaydalarına əməl edin və şəxsiyyət vəsiqəniz həmişə  yanınızda olsun.

Şəhərlər arasında hərəkət edərkən, son dərəcə diqqətli olun və nəzərə alın ki, siz dolama yollardan istifadə etməli ola bilərsiniz, həmçinin nəzərə alın ki, yollarda tıxac yaranır və bu, təxmini səyahət vaxtını xeyli artırır.

Həmçinin, nəzərə alın ki, sərhəd-keçid məntəqələrində həddindən artıq sıxlıq var və sərhədi keçmək üçün sizə bir neçə on saat lazım ola bilər.

Sizdən xahiş edirik ki, Gürcüstan Xarici İşlər Nazirliyinin, Gürcüstanın səfirlik və konsulluqlarının və Ukraynanın hakimiyyət orqanlarının rəsmi internet saytlarına diqqət yetirin.  Səfirliyin qaynar xətt nömrələrini bir daha xatırlatmaq istərdik: +380 (63) 376 77 68, +380 (63) 376 73 64, +380 (93) 544 01 17, +380 (93) 761 17 17”, - deyə bəyanatda qeyd olunur.