Batumidə Rusiyanın dövlət bayrağı yandırıldı

Batumidə Avropa meydanında Ukraynaya dəstək aksiyasında vətəndaşlar etiraz əlaməti olaraq Rusiyanın dövlət bayrağını yandırıblar.

InterPress.ge xəbər verir ki, onların sözlərinə görə, bu yolla Rusiyanın Ukraynaya qarşı zorakı siyasətinə etiraz ediblər.

Etirazçıların fikrincə, tarix təkrarlanır. Rusiya 2008-ci ildə gürcülərin qanını tökdü, indi də Ukraynada da eyni şeyi edir.

Etirazçılar Ukraynanın bu döyüşdə qalib gələcəyini gözləyir və o, tək deyil.

Aksiya iştirakçıları Batumidəki Avropa meydanında Gürcüstan və Ukrayna bayraqlarını nümayiş etdirirlər.