Baş nazir və Müdafiə naziri Kocor- Tabaxmela döyüşündə həlak olan şəhidləri andılar

Gürcüstanın baş naziri İrakli Ğaribaşvili müdafiə naziri Cuanşer Burçuladze ilə birlikdə 1921-ci ilin fevralında Gürcüstanın müstəqilliyi uğrunda gedən döyüşlərdə həlak olan döyüşçülərin xatirəsini ehtiramla yad edib.

lnterPress.ge xəbər verir ki, Baş nazir və müdafiə naziri qəhrəmanların abidəsi önünə əklil qoyublar.

General Qiorqi Kvinitadze adına Kadet Hərbi Liseyinin kursantları işğal günü münasibəti ilə köhnə kursant geyimində I Respublikanın və dövlətin bayraqları ilə yürüş edib, abidəni gül-çiçəklə bəzəyiblər. Simvolik olaraq 1918-1921-ci illərdə Gürcüstan Birinci Demokratik Respublikasının Milli Qvardiyanın hərbi trek orkestri tərəfindən bərpa edilmiş hərbi marşı səsləndirilib.