Yaponiya Rusiyaya sanksiya tətbiq edəcəyini açıqladı

“Yaponiya Ukraynanın işğalına cavab olaraq Rusiyanın maliyyə institutlarına, hərbi təşkilatlarına və ayrı-ayrı şəxslərə qarşı bir sıra sanksiyalar tətbiq edəcək”.

InterPress.ge xəbər verir ki,bu barədə baş nazir Fumio Kişida bildirib.

Onun sözlərinə görə, sanksiyalara fiziki şəxslərin və maliyyə qurumlarının aktivlərinin dondurulması, habelə Rusiya hərbi təşkilatlarına ixracın qadağan edilməsi daxildir.

Fumio Kişida “Bu vəziyyətə cavab olaraq, G7 və digər beynəlxalq ictimaiyyətlə sıx əməkdaşlıq edərək sanksiyaları gücləndirəcəyik” deyib.

O, həmçinin bildirib ki, 120-yə yaxın Yaponiya vətəndaşı hələ də Ukraynadadır və Yaponiya səfirliyi onların təhlükəsizliyini təmin etmək üçün Polşa ilə işləyir.