Sovet Rusiyasının işğalının 101-ci ildönümü və Ukraynada baş verən hadisələrlə əlaqədar Parlamentin binası qarşısında sərgi- performans baş tutdu
Sovet Rusiyasının işğalının 101-ci ildönümü və Ukraynada baş verən hadisələrlə əlaqədar Parlamentin binası qarşısında “Sovet keçmişi” Araşdırmalar Laboratoriyası və Korrupsiyaya Qarşı Mübarizə Hərəkatının təşkilatçılığı ilə sərgi-performans keçirilib.
lnterPress.ge xəbər verir ki, Gürcüstan qanunverici orqanına Rusiyanın tarixən Gürcüstana vurduğu ziyanı əsaslı şəkildə əks etdirən fotomaterial təqdim olunub.
Fotolara “Qurban”, “Siyasi terror”, “Stalinin şəxsi vendettası”, “Yaddaş əleyhinə təbliğat” və s. kimi başlıqlar yazılıb.
Sovet Keçmişin Tədqiqi Laboratoriyasının tarixçisi İrakli Xvadagiyanın sözlərinə görə,Korrupsiyaya Qarşı Mübarizə Hərəkatı və vətəndaş fəalları ilə Sovet İttifaqı ilə bağlı hadisəni bu gün cəbhə xəttinin artıq Ukraynadan keçməsi fonunda sərgi və mitinqlə qeyd etmək qərarına gəliblər.
"Müasir Rusiya birbaşa və açıq şəkildə işğalçılıq müharibələrini və köhnə imperiya şöhrətinin bərpasını elan edir. Bütün bunların fonunda aydın olur ki, 101 il əvvəl olduğu kimi, Gürcüstan hələ də qurbanlar siyahısındadır. Biz Rusiyanın yumşaq gücünün nə qədər üstünlük təşkil etdiyini çoxdan görmüşük. Bu, artıq həyəcanverici bir vəziyyətdir ki, biz təkcə yumşaq güc deyil, həm də aktiv hərəkətlər gözləməliyik. Eyni zamanda, yaddaş çox vacibdir, çünki əksər vətəndaşlar rus dünyasında olmağın nə demək olduğunu başa düşməlidirlər. Bu, milli mədəniyyətin və şüurun məhvi, dövlətçiliyin məhv edilməsi və ən azı bir əsr geridə qalmağımız deməkdir”, - deyə Xvadaqiani bildirib.
