Lançxutidə Şəhər Şurasının iclasında səs-küy və mübahisə yaranıb

Lançxutidə Şəhər Şurasının iclasında səs-küy və mübahisə yaranıb. Vahid Milli Hərəkatın (VMH) üzvü Kaxa Askurava meriyada maaş artımına etiraz edib. Müxalifətin fikrincə, Lançxutidə sosial və ya iqtisadi vəziyyət fonunda maaşların artırılması biabırçılıqdır.

lnterPress.ge xəbər verir ki, “Gürcüstan Naminə” partiyasının və “Lelo” siyasi birliyinin nümayəndələri də meriyada maaşların artırılması məsələsini dəstəkləməyiblər.

“Gürcü arzusu”nun deputatları isə öz növbəsində müxalifətin bəyanatlarını əsassız adlandırırlar. Onların sözlərinə görə, meriya işçilərinin maaşlarının artırılması məsələsi ilə bağlı inzibati icraata başlanılıb.