Poniçalada polis və üç gənc arasında qarşıdurma yaranıb

“Nodar Meladzenin şənbəsi”nin növbəti qalmaqallı jurnalist araşdırması.

InterPress.ge xəbər verir ki,  araşdırmaçı jurnalist Tbilisinin Poniçala qəsəbəsində çörək sexi ərazisində  qalmaqallı qarşıdurma işini açıb.

 Məlum olub ki, bir neçə gün əvvəl kriminal polis əməkdaşı Daxili İşlər Nazirliyinə məxsus tapançadan üç gəncə atəş açıb. Hazırda saxlanılan Poniçalalı gənclər iddia edirlər ki, 46 yaşlı Tamaz Saveliyev uzun müddət xaçapuri almaq üçün cərgədə dayanmaqdan yorulub və qarşısında dayanan gəncləri söyüb, nəticədə fiziki qarşıdurma baş verib.

"Çörək sexində üç xaçapuri sifariş etdim, satıcı onları mənə verdi, amma soyuq idi və mən isitməlarini istədim, bu zaman satıcı ilə mübahisə etdim. Orada tanımadığım bir kişi dayanmışdı, bizə yaxınlaşdı və uca səslə təhqiramiz ifadə işlədərək dedi: “Nə qədər gözləyəcəyəm", mən ona yaxınlaşdım və "sən kimsən, bu necə danışıqdır" dedim və məni anamın ünvanına təhqir etdi. Bu zaman mən onun üz nahiyəsinə vurdum. Qardaşım Ruslan Kərimov və xalamoğlu Gumber Məmmədov bizi bir- birimizdən uzaqlaşdırdı. O, yenə anamın ünvanına təhqiredici sözlər deyərək mənə söyürdü, məni vurmaq istəyirdi.", - Yəhya Kərimov polisə ifadə verib.

Məlum olub ki,  qarşıdurmadan sonra Yəhya və Ruslan Kərimovlar Gumber Məmmədovla birlikdə avtomobillə hadisə yerini tərk ediblər. Onlar Rustavi şossesi ilə evə qayıdarkən  Kvemo Poniçala yolundakı hadisələr cinayət filmi ssenarisinə çevrilib. Dedektiv Tamaz Saveliyev gəncləri avtomobili sürətlə idarə edərək təqib edib. Rustavi yolunda polis adamlarla dolu avtomobilə təxminən 5 dəfə atəş açıb.

"Bizi izləyirdi, işıqları yandırıb siqnal verirdi, bizi saxlamaq istəyirdi. Dayanmadıq və o, bizə tərəf bir neçə dəfə atəş açdı. Yəqin ki, 4-5 dəfə atəş açdı. Bizi izlədiyini görəndə Gumber Məmmədov avtomobili sola döndərdi evimizə tərəf getdik”, - digər saxlanılan şəxs ifadə verib.

Baş kriminal polis zabiti Tamaz Saveliyev iddiaya görə gəncləri hərəkət yolunda müşahidə edib - şənbə günü verlişinin işin materialları bunu sübut edir - müttəhimlərin ifadəsinə görə, evə gedərkən onları pusquya salıb. Detektiv Saveliyev və gənclər Marneuli küçəsi N2-də  qarşılaşıblar. Xaçapuri üstündə kriminal polis əməkdaşı ilə məhbuslar arasında münaqişə köhnə vulkanizasiya ərazisində fiziki qarşıdurma və atışmalarla davam edib.
Yanvarın 17-də vulkanizasiya sahibi Qoça Qucabidze polis əməkdaşı ilə təqsirləndirilən şəxslər arasında baş verən cinayət davasının birbaşa şahidi olub. 

 Qucabidze "Şənbənin efiri"nə deyib ki, o, qəfil özünü ünvansız atışmanın və dəyənəklərlə döyüşün mərkəzində tapıb. Şahid Tamaz Saveliyevin necə atəş açdığını görüb. Qoça Qucabidze kriminal polis əməkdaşının şəxsiyyətini müəyyənləşdirməyə çətinlik çəkməyib- onlar bir-birlərini illərdir tanıyırlar.
Hadisə şahidi Qoça Qucabidzenin ifadəsi polisin istintaqa verdiyi ifadə ilə qəti şəkildə ziddiyyət təşkil edir. Kriminal polis zabiti iddia edir ki, müttəhimlərdən biri onun xidməti silahından atəş açıb.

"Məni dəyənəklə əsasən başımın və bədənimin müxtəlif nahiyələrindən vurdular. Bu zaman Yəhya Kərimov kəmərimdən tapançamı çıxardı. Dərhal onu tutub tapançamı geri qaytarmağa çalışdım. Bu zaman ikimiz də yıxıldıq, digər ikisi məni döydü".-Tamaz Saveliyevin ifadəsində qeyd olunub.

Tamaz Savelievin təkzib edə bilməyəcəyi yeganə şey onun Rustavi şossesində atəş açdığı faktıdır, çünki onu ərazidə bir sıra müşahidə kameralarını çəkdiyi iddia edilir, lakin prokurorluq isə video görüntüləri isə daxil etməyib.

Dedektiv Saveliyev istintaqa verdiyi ifadəsində təqibi hadisəni törədənlərin tutulması istəyi ilə izah edir.
Dostum Həmid Qaracayevlə çörək sexinə getdim, mən onlara sadəcə irad tutdum, cavab olaraq onlar məni vurdular və hadisə yerindən uzaqlaşdılar. Mobil telefonumun şarjı yox idi və döyülməyimlə bağlı polisə məlumat verə bilmədiyim üçün onları təqib etdim. Onlar yüksək sürətlə gedirdilər və buna görədə  havaya atəş açdım, sonra mən Marneuli küçəsində dayandım, bu zaman geri qayıdıb dəyənək və müxtəlif əşyalarla mənə hücum etdilər. Ağır yaralandım. Yoldaşım Həmid Qaracayev bizi xilas etməyə çalışdı”, - deyə polis bildirib.

Kriminal polis əməkdaşının bu ifadəsi bir neçə sual doğurur - dindirmə protokolunda Tamaz Saveliyev təsdiq edir ki, o, hadisə başlayan andan sona qədər dostu ilə olub, o, avtomobil təqibi zamanı Həmid Qaracayevlə bərabər olub. Əgər polisin mobil telefonu yoxdursa, Saveliyev niyə dostunun telefonu ilə polisə zəng vurmayıb və hansı fövqəladə zərurətdən gənclərə atəş açıb? Zərərçəkmiş polis əməkdaşının ifadəsinin etibarlılığı dostunun ifadə protokolunda da şübhə altına alır.

"Maşından gec düşdüm, ona görə də Tamaz Saveliyevlə kimin münaqişəsi olduğunu görə bilmədim. Kimin ona fiziki hücum etdiyini, kimin xəsarət yetirdiyini bilmirəm. Mən ona yaxınlaşanda Tamazın üzündə qan var idi. Covid 19 virusu məndə bir yaddaş problemi yaradıb və başqa faktları yadıma sala bilmirəm".

O, birinci dindirmə protokolunda Covid-19-a görə yaddaşında problem olduğunu və heç nə xatırlamadığını deyir, lakin həmin gün Həmid Qaracayev istintaq orqanı tərəfindən yenidən dindirilib - o, ifadəsini kökündən dəyişib və hər şeyi günahkarın üzərinə atıb.

"Jurnalistlər Həmid Qaracayevin evinə gedib. Jurnalist onun ailə üzvlərindən Həmid Qaracayevin koronavirus keçirib- keçirmədiyini və yaddaş problemlərinin olub-olmaması ilə bağlı sual verib. Həyat yoldaşı kameralara bildirib ki, onun həyat yoldaşı (Həmid Qaracayev) Kovid - 19 virusuna yoluxmayıb. Qaracayevin özü kameralardan gizlənir.

Saxlanılan gənclərə qarşı iş üzrə Qaracayevdən başqa daha bir neçə polis əməkdaşının ifadələri var, o cümlədən Xüsusi Tapşırıqlar Departamentinin 3-cü bölməsinin inspektoru Temur Laçabidzenin ifadəsi. Laçabidze qarşıdurmanın başladığı çörək sexinin sahibidir.

Qomelurinin ofisinin əməkdaşı artıq saxlanılan şəxsin əleyhinə ifadə verib, lakin onun hadisə yerində olub-olmaması onun çörək sexinin işçiləri tərəfindən dəqiqləşdirilməyib. Başqa bir vəziyyət sual doğurur. Mübahisənin başladığı çörək sexi kameralarla təchiz olunub, baxmayaraq ki, işçilər onu söndürdüklərini deyirlər.

Atışmanın vacibliyi nə idi və niyə o və digər şahidlər buna qarşı ifadə verdilər? - "Şənbə gününün efiri" tərəfindən bu suallar polis əməkdaşı Tamaz Salevevə ünvanlansa da, o, jurnalistləri mətbuat mərkəzinə yönləndirdi.

Yəhya, Ruslan Kərimov və Gumber Məmmədov hazırda saxlanılıb. Onların ailələri onların polis zorakılığının qurbanı olduqlarını deyirlər. Kvemo Poniçala indi məhbusların azadlığa buraxılmasını tələb edir, əks halda aksiyalara başlayacaqlarını bildirirlər.

Saxlanılan hər üç şəxsi 7 ilə qədər həbs gözləyir. Onlar indiyə qədər özlərini təqsirli hesab etmirlər.