“Kəndlərə Dəstək Proqramı” çərçivəsində Marneuli Bələdiyyəsində əhali ilə görüşlər davam edir

“Kəndlərə Dəstək Proqramı” çərçivəsində Marneuli Bələdiyyəsinin inzibati ərazi vahidlərində əhali ilə görüşlər davam edir.

lnterPress.ge xəbər verir ki, bu barədə Marneuli meriyası məlumat yayıb.

Məlumata görə, görüşlər qrafikə uyğun keçirilir. Bu mərhələ üzrə 6 inzibati ərazi vahidinin 20 kəndində məsləhətləşmələr aparılıb.

''Kəndlərə Dəstək Proqramı çərçivəsində Marneuli Bələdiyyəsinə 1 232 000 lari ayrılıb və bu vəsait müxtəlif infrastruktur layihələrinin maliyyələşdirilməsinə sərf olunacaq.

 Proqram çərçivəsində bələdiyyənin bütün inzibati ərazi vahidlərində bələdiyyə sədrinin sərəncamı ilə müəyyən edilmiş üç işçi qrupu tərəfindən məsləhətləşmələr aparılacaq”, - deyə məlumatda bildirilir.