Zəlzələ dağıntıya səbəb oldu - Qubernatordan açıqlama

"Zəlzələ nəticəsində Dmanisi bələdiyyəsinin Şahmarlı kəndində evin divarı uçub".

InterPress.ge xəbər verir ki, bu barədə Kvemo Kartli qubernatoru Giorgi Doxturişvili deyib.

Onun sözlərinə görə, meriyanın müvafiq komissiyası artıq təbii fəlakət zonasında fəal işləyir və dəymiş ziyanın məbləği müəyyənləşdirilir ki, bu da tam ödəniləcək.

Qeyd edək ki, bu gün Tbilisi vaxtı ilə saat 22:25-də Sameba kəndi yaxınlığında baş vermiş 6,2 bal gücündə zəlzələ nəticəsində Dmanisi Bələdiyyəsinin kəndlərinin elektrik enerjisi kəsilib, aidiyyəti qurumların operativ reaksiyası nəticəsində ləngimə vaxtında aradan qaldırılıb.