Gürcüstanda yeni növ koronavirusa (COVID-19) son 24 saat ərzində 15 712 yeni yoluxma halı qeydə alınıb.
InterPress.ge xəbər verir ki, bu barədə məlumat stopcov.ge saytında qeyd olunub.
Bununla da ölkədə virusa yoluxanların ümumi sayı 1 454 065 nəfərə çatıb.
Sağalanların sayına gəldikdə isə, ölkədə son 24 saat ərzində 21 623 sağalma qeydə alınaraq ümumi sağalanların sayı 1 248 242 nəfər təşkil edib.
Eyni zamanda bildirilir ki, bu gün koronavirusdan daha 40 nəfər ölüb və ölənlərin ümumi sayı 15 556 nəfər təşkil edib.
