Geostat İstehlak Qiymətlərinin Harmonik İndeksini (HICP) istifadəyə verir
Gürcüstanın Milli Statistika İdarəsi yeni göstəricini - İstehlak Qiymətlərinin Harmonik İndeksini (HICP) istifadəyə verir.
lnterPress.ge xəbər verir ki, bu barədə Gürcüstan Milli Statistika İdarəsi məlumat yayıb.
Geostat-ın məlumatına görə, Milli Statistika İdarəsi 2020-ci ilin oktyabr ayından Aİ-nin Tvinninq layihəsi çərçivəsində bu istiqamətdə iş aparır və onun 2022-ci il Statistika İş Proqramına uyğun olaraq nəşri hər ay planlaşdırılır.
''HICP əsasən Aİ-yə üzv dövlətlər tərəfindən istifadə olunur və qiymət sabitliyinin mühüm göstəricisidir. O, vahid, uyğunlaşdırılmış metodologiyaya əsaslanır və beləliklə, bu göstəricinin Gürcüstan tərəfindən uğurla həyata keçirilməsi Aİ standartlarına yaxınlaşma baxımından böyük əhəmiyyət kəsb edir. İstehlak Qiymətlərinin Uyğunlaşdırılmış İndeksinin hesablanması Avropa İttifaqı tərəfindən işlənib hazırlanmış, ciddi riayət edilməsi bu göstəricini istehsal edən bütün ölkələr üçün məcburi olan metodoloji təlimatlara və qaydalara əsaslanır.
O, İstehlak Qiymətləri İndeksindən (İQİ) bir neçə metodoloji xüsusiyyətlərinə görə, əsasən istehlak səbətinin çəkilərinə və istifadə olunan təsnifata görə fərqlənir. Xüsusilə, HICP vəziyyətində, istehlak səbətinin çəkisinin hesablanması üçün ölkədə həm rezidentlərin, həm də qeyri-rezidentlərin çəkdiyi xərclər istifadə olunur, İQİ üçün isə yalnız rezidentlərin həm ölkə daxilində, həm də xaricdə çəkdikləri xərclər, istifadə olunur. Təsnifatlayıcıya gəldikdə isə, HICP Fərdi istehlakın Məqsəd üzrə Təsnifatının Avropa versiyasından - ECOICOP-dan istifadə edir ki, bu da hazırkı beynəlxalq COICOP-dan bir qədər fərqlənir”, - deyə Geostatın yaydığı məlumatda deyilir.
Onların sözlərinə görə , qeyd etmək lazımdır ki, istehlak səbətinin tərkibi və istifadə olunan mikro-məlumatlar hər iki indeks üzrə eynidir.
“Qeyd edək ki, HICP indiyədək inflyasiya səviyyəsini hesablamaq üçün istifadə edilən mövcud istehlak qiymətləri indeksini dəyişməyəcək. Harmonizasiya edilmiş İndeks əlavə analitik göstəricidir və beynəlxalq müqayisəliliyi təmin etmək üçün istifadə olunacaq.
HICP haqqında əlavə məlumat üçün, Geostat Qiymət Statistikaları Departamenti ilə 236-72-10 (daxili 400 və ya 701) və ya [email protected] elektron poçtu ilə əlaqə saxlayın'',- deyə Geostatın bəyanatında bildirilir.
