Hakim Mixail Saakaşvilinin vəkillərinin tələb etdiyi vəsatəti rədd edib

“Anzor Çubinidzenin bu məsələ ilə bağlı şahid qismində dindirilməsi bizə məlum deyildi".

InterPress.ge xəbər verir ki, bu barədə
Mixeil Saakaşvilinin vəkili Nika Qvaramia qeyd edib.

Hakim Badri Koçlamazaşvili üçüncü prezident Mixail Saakaşvilinin vəkillərinin Mixail Saakaşvili ilə bağlı Dövlət Təhlükəsizliyi Xidmətinin rəhbəri Anzor Çubinidzenin prokurorluğa verdiyi ifadəsini tələb edən vəsatətini rədd edib.

Vəkil Nika Qvaramiya iclasda qeyd edib ki, indiyədək müdafiə tərəfi Anzor Çubinidzenin adıçəkilən cinayət işi üzrə prokurorluğa ifadə verməsindən tamamilə xəbərsiz olub. O, bu sənədi tələb etmək və işdə sübut kimi öyrənmək istədiyini bildirib.

“Onun bu məsələ ilə bağlı şahid qismində dindirilməsi bizə məlum deyildi. Çubinidzenin müsahibə protokolunu tələb etmək üçün vəsatət qaldırırıq. Odur ki, Çubinidzenin prokurorluqdan ifadəsini tələb və sübut kimi işə əlavə edirik. Sizi qaydalara əməl etməyə çağırıram - biz bu sənədi araşdıracağıq", - deyə Nika Qvaramiya bildirib.

Eyni mövqeyi vəkil Beka Basilaia da tutub.

“Biz Çubinidzenin prezidentin hesabına verdiyi ifadəni tələb edirik. Biz onun başqa cinayət işi üzrə dindirilməsini arqument kimi qəbul edə bilmərik'', - deyə Basilaia bildirib və hakimə müraciət edib ki, məhkəmə müdafiə tərəfinin sözügedən vəsatətini təmin etməsə, o, qeyri-ixtisaslıq təəssüratı yaradacaq.

Hakim Badri Koçlamazaşvili Beka Basilaiaya xitabən “Mən buna təəssüflənmirəm” deyə cavab verib.

Mixail Saakaşvilinin digər vəkili Dimitri Sacaqlişvili qeyd edib ki, məlum olduğu kimi, Çubinidze 5 ay əvvəl pulların mənimsənilməsi ilə bağlı prokurorluğa ifadə verib.

“Mənim verəcəyim qərar Anzor Çubinedzenin başqa cinayət işində ifadə verib-verməməsinə əsaslanmayıb”, - deyə hakim bildirib.

Məlumat üçün bildirək ki, Mixeil Saakaşvili ilə bərabər Xüsusi Dövlət Mühafizə Xidmətinin keçmiş rəisi Teymuraz Canaşia da külli miqdarda büdcə vəsaitini mənimsəməkdə ittiham olunur. Prokurorluq təqsirləndirilən şəxsləri külli miqdarda büdcə pulunu - 9 milyon lari mənimsəməkdə ittiham edir.